香港夏威夷小結他總會

6 年前成立小結他總會，我就決意要推廣小結他文化，讓更多人知道佢並唔係玩具，係一件充滿力量嘅樂器，也要用小結他服務社區、用我地嘅力量回饋社會。

6年後嘅今天，我無想過我地可以用小結他串聯咗傷健（視障）嘅團員，哩一年帶住佢地四圍演出，2026年1月1日，在完全沒資助的情況下膽粗粗帶咗佢地去金門表演，正式踏上國際舞台！ 帶完返香港，真係攰到病咗幾日... Haaa, 確實一啲都唔簡單！

前幾天，我地又受邀去做表演嘉賓，今次助教們完全不帶Ukulele，要傷健團員自己彈，將一整首『憑著愛』用心去彈一次唱一次，雖不完美，但台下觀眾見證住大家嘅進步，掌聲如雷，真係好感動好感動！
公眾對我地傷健樂團嘅支援並唔多，有一間機構支持咗Emily老師微薄嘅導師費，然後助教全都是義工，自願每星期六來協助教學。在此，我要衷心多謝我一班堅實嘅助教團隊，我嘅勇敢完全因為有你地在身邊，感激你地對我地總會嘅信任。

2026年，我希望可以找到更多資源讓視障團員可以學習更多、體驗更多，如果坊間有善長人翁想長期支援哩隊咁有意義嘅樂團，可以pm我地了解下，一齊讓更多人用音樂感受到愛。